يادنيا خلطبيطة وبقيتى بزرميط
هى نفس الخريطة والشر اكبر م المحيط
كتروا الناس الحويطة والطيب فيكى عبيط
ناس مش ع الخريطة راح النجاح والسيط!
وناس عايشة بسيطة وماشية جنب الحيط
من غير حذر وحيطة تشوفها تقول عبيطة
لكن هما ولاد عفاريت !!
يادنيا خلطبيطة وبقيتى بزرميط
وناس على قد حالها والحظ عمره ما جالها
ولا مرة واحدة ادالها نقطة من محيط !
لكن راضية بحالها والعقل دايما نشيط
وناس كترت أموالها وخسرت راحة بالها
وكل الناس بصالها بعد ما بقالها صيت
وبقت شاغلة بالها ومن كلام الناس بتشيط
وناس ف العلم زايدة والفكر شعلة قايدة
لكن من غير اى فايدة والحظ عامل عبيط!!
يا دنيا خلطبيطة وبقيتى بزرميط
هى نفس الخريطة والشر أكبر م المحيط
الشاعرة
نبيلة محمود