الرئيسية / صحة وجمال / انواع الزعل

انواع الزعل

كتبت الإعلامية مها الكتبي
الزعل

الزعل نوعين ..
نوع حاد و كبير، و ده مش موضوعنا النهاردة ..

النوع التاني اقوي من الاول رغم انه قليل و بطيء بس متكرر ، اسمه “زعل التحاملات ” ..

الزعل ده فيه طرفين ..

طرف “بيحمّل” علي التاني زيادة عن طاقته فيوجعه و يتعبه .. يحمل عليه عصبية و ردود عنيفة و غضب و إهمال و لوم و عدم اعتنا و عناد ..

و طرف “بيحمل” علي مشاعره فيسكت لأنه طبيعته كده ، حساس .. أو لأنه حاول يواجه و يعاتب فمالقاش نتيجة و اتوجع اكتر أو لقي النتيجة عكسية من هجوم و غضب و عدم تفاهم و اتوجع اكتر و اكتر ..

النتيجة الطبيعية أن القلب يتحط عليها اقفال شوية شوية .. و مع الزمن و زيادة التحاملات ، تتبني بين الناس حيطان و حواجز و يبعدوا عن بعض حتي وهم جنب بعض و بيضحكوا و بيتكلموا و ياكلوا و يشتغلوا أو حتي عايشين مع بعض ..

دي حالة ناس كتير مش واخدة بالها انها قفلت قلب ناس غالية جدا ، و ممكن ما تعوضهاش ..

فيه ناس كتير شالت حزنها جواها و حبست مشاعرها من كتر ما تعبت .. القلوب دي من حساسيتها بتعمل نفسها مش زعلانة ، و بتفوت و تيجي علي نفسها ، و بتسايس مشاعرها و ما بتبينش اللي فيها علشان الدنيا تمشي ..

يا للي محمل علي الناس خد بالك بجد لان فيه ناس مش ح تعرف تلاقيها و سايبها بتنزف وراك و انت مش حاسس ..
اسال نفسك و راجع ضميرك و سلوكك بأمانة..

و ياللي مستحمل اتكلم اوعي تسكت .. و لو ما هو ما سمعش أو ما فهمش ، كلم حد يكون فاهمك و مقدر اللي انت فيه تريح قلبك ، او احسن كلم ربنا يخفف عنك و يديك نعمة و ينور قلب اللي محمل عليك
ببساطة:
كيف تصنع سعادة حقيقية لك ولمن حولك إنها هناك تكمن في الأعماق وتنبع منك فاحرص أن يكون لديك رصيد من الأعمال والطاعات والأعمال التطوعية “صانعة السعادة” وتختمها ببذل بسيط ونبذ لكل الخلافات ولكل ما يرهقك من الهموم.
عود نفسك أن تجعلها جانبا لا تضيع عمرك حسرات على حلم مضى وحب انتهى وعلاقة لم تتم وخسارة كانت مقدرة لك في علم الغيب امض قدما أسعد من حولك ابتسم وستمحي بابتسامتك آلامك وتعم عدوى الفرح ابتسم ولا تحرم نفسك .

شاهد أيضاً

الفنان حسين الشريف يحتفل بعقد قران نجلته الفنانه نور

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *